कान्तिपुर टेलिभिजनले हरेक महिना प्रसारण/प्रकाशन भएका रिपोर्टहरूमध्ये हेर्नैपर्ने १० रिपोर्ट छनोट गरी दर्शक/पाठकका लागि पुनः प्रस्तुत गर्ने गरेको छ । गत वैशाख महिनामा प्रकाशित/प्रसारित १० छुटाउन नहुने रिपोर्ट यस प्रकार छन् :
२९ दिन लामो आन्दोलनपछि सरकारले पेशागत हकहित र वृत्ति विकासका माग सम्बोधन गर्ने भएपछि शिक्षकहरू विद्यालय फर्किएका त थिए तर विद्यार्थी र अभिभावकले भने झन्डै एक महिनासम्म मानसिक तनाव झेल्नुपरेको थियो । कक्षा १२ को परीक्षा त प्रभावित नै भयो भने बालबालिकाको शिक्षण सिकाइमा पनि गम्भीर असर पर्यो । यो लगायत समग्र शिक्षक आन्दोलनको सेरोफेरोमा पत्रकार नारायण किलम्बूले गत वैशाख महिनाभर शिक्षक आन्दोलनबारे गर्नुभएको रिपोर्टिङ हाम्रो हेर्नैपर्ने समाचारमा परेको छ ।
सम्बन्धित समाचार :
आन्दोलनरत शिक्षक र सरकारबीच ९ बुँदे सहमति, आन्दोलन स्थगित
शिक्षकका माग सम्बोधन गर्नुको साटो आन्दोलन दबाउने ध्याउन्नमा सरकार !
शिक्षकसँगको सहमित पालना गर्न सरकारलाई ८ अर्बभन्दा बढी आर्थिक भार, कसरी होला बजेट व्यवस्थापन ?
विद्यालय शिक्षाको सुधारका लागि दीर्घकालीन मार्गचित्र तयार गरी पुनःसंरचना गरिने
संसद्को सार्वजनिक लेखा समिति अन्तर्गतको उपसमितिले पोखरा क्षेत्रीय अन्तर्राष्ट्रिय विमानस्थल निर्माणका क्रममा नीतिगत र प्रकियागत निर्णयमा संलग्नमाथि समेत छानबिन गरी कारबाही गर्न सिफारिस गरेको थियो । तत्कालीन आयोजना प्रमुख तथा नागरिक उड्ययन प्राधिकरणका महानिर्देशक प्रदीप अधिकारीसहित ८ जनाले १० अर्ब रुपैयाँभन्दा बढी भ्रष्टाचार गरेको तथा तत्कालीन अर्थ र पर्यटनमन्त्रीको पनि संलग्नता रहेको उपसमितिका सांसदहरूको दाबीबारे कान्तिपुरकर्मी अञ्जना लामिछानेले गरेको रिपोर्टिङ गत महिनाको हेर्नैपर्ने समाचारमा समावेश छ ।
संसद्को सार्वजनिक लेखा समिति अन्तर्गतको उपसमितिले भैरहवाको गौतम बुद्ध अन्तर्राष्ट्रिय विमानस्थल निर्माणमा आवश्यकभन्दा झन्डै दोब्बर जग्गा अधिग्रहण भएको निष्कर्ष निकालेको थियो । उक्त प्रकरणबारे अञ्जना लामिछानेकै रिपोर्ट हामीले हेर्नेपर्ने समाचारमा राखेका छौं ।
स्वास्थ्य सामग्री खरिदका लागि आफूले चाहेको कम्पनीलाई मिल्ने गरी मापदण्ड तयार पार्ने प्रवृत्ति केन्द्रदेखि स्थानीय तहसम्मै छ । यस बाहेक कतिपयले जनशक्ति नहुँदा समेत उपकरण खरिद गर्ने गर्छन् । यो बेथितिबारे कान्तिपुर टेलिभिजनका पत्रकार कृपाल गौतमले गर्नुभएको रिपोर्टिङ हाम्रो हेर्नैपर्ने समाचार हो ।
अन्तर्राष्ट्रिय दातृ निकायले स्वास्थ्य क्षेत्रको सहयोग कटौती गरे नेपालमा खोप, सुरक्षित मातृत्व, परिवार नियोजन जस्ता आधारभूत सेवा प्रभावित भएको र मुटु, मिर्गौला, क्यान्सर, जलन जस्ता विशिष्टिकृत सेवा समेत अवरुद्ध हुने जोखिम बढेकोबारे कृपाल गौतमकै रिपोर्ट गत महिनाको अर्को हेर्नैपर्ने समाचार हो ।
प्युठानको झिमरुक नदीबाट रातको समयमा मेसिनको प्रयोग गरी अवैध तवरले गिट्टी बालुवाको उत्खनन हुने गरेको छ । स्थानीय तह, प्रहरी प्रशासनको मिलेमतोमा क्रसर व्यवसायीले रातभर ठूला मेसिन प्रयोग गरेर गिट्टी बालुवाको दोहन गर्ने गरेको भेटिएको हो ।
सम्बन्धित समाचार :
आनन्दी सदाय प्रकरण : असुरक्षित महसुस गर्दै संलग्नमाथि जाहेरी दिन तयार भएनन् पीडित परिवार
आनन्दी सदाय मृत्यु प्रकरण : जाहेरी बदर गरी प्रहरीले घटना मिलाउने प्रयास गरेको खुलासा
आनन्दी सदाय मृत्यु प्रकरणमा मधेश प्रदेश प्रहरीले सुरु गर्यो छानबिन
