धादिङ । पृथ्वी राजमार्गअन्तर्गत चितवनको फिस्लिङमा खसेको पहिरो हटाएर एकतर्फी सडक सञ्चालन गरिएको छ ।
चितवनको इच्छाकामना गाउँपालिका ३, फिस्लिङमा सडकमाथि बाट लेदोसहितको पहिरो खस्दा सडक दुईतर्फी नै अवरुद्ध भएको थियो ।
निर्माणाधीन सडकको आयोजनाको मेसिन प्रयोग गरी पहिरो पन्छाएर एकतर्फी सडक सञ्चालन भएको चितवनका प्रहरी प्रमुख भावेश रिमालले जानकारी दिनुभयो ।
त्यसअघि पहिरोसँगै आएको ढुंगाले मुग्लिनदेखि काठमाडौंतर्फ जाँदै गरेको प्रदेश नं. २-०३-००१ ख ६४७४ नम्बरको सिमेन्ट लोड भएको ट्रकमा लाग्दा अगाडिको भागमा क्षति भएको छ । चालकलाई सामान्य चोट लागेको थियो ।
पृथ्वी राजमार्गअन्तर्गत धादिङ खण्डमा लगातार वर्षा भइरहे पनि सवारीसाधनको आवागमनमा कुनै समस्या छैन ।
यो पनि...
बझाङको झ्याँबगर गाउँमा बाढी पस्यो, १४ परिवार विस्थापित
अपडेट : बाढी पहिरोले देशभरका १८ वटा राजमार्ग अवरुद्ध
काठमाडौं उपत्यकासहित देशभर भारी वर्षा, जनजीवन प्रभावित
पहिरोले सिस्नेरी दक्षिणकाली सडकखण्ड अवरुद्ध
दाङमा निरन्तरको वर्षाले डुबानमा पर्न थाले बस्ती, सुरक्षित स्थानमा सारिँदै
अपडेट : दाङमा बाढीमा परी १ जनाको मृत्यु, १ जना बेपत्ता
अविरल वर्षासँगै आएको बाढी-पहिरोले देशका विभिन्न भागमा सडक अवरुद्ध
काठमाडौं उपत्यकासहित देशभर भारी वर्षा, बागमती र हनुमन्ते आसपासका बस्तीमा सतर्कता अपनाउन आग्रह
