काठमाडौं । अर्थमन्त्री प्रकाशशरण महतले सरकारका प्राथमिकताहरु सार्वजनिक गरेका छन् । उनले सरकारका लागि नयाँ सवारीसाधन नकिन्ने घोषणा गरेका छन् ।
प्रतिनिधिसभा र राष्ट्रियसभाको संयुक्त बैठकमा आव ०८०/८१ को बजेट प्रस्तुत गर्दै अर्थमन्त्री प्रकाशशरण महतले यस्तो जनाएका हुन् । उनले अत्यावश्यकबाहेक विदेश भ्रमणमा रोक लगाइएको जानकारी दिए ।
उनका अनुसार सरकारका प्राथमिकतामा कृषि, पर्यटन र सम्पन्न हुने विकास आयोजनाहरु रहेको पनि जानकारी दिए । उनले निर्माण क्षेत्रका अवरोध न्यूनीकरण प्राथमिकतामा राखेको पनि जानकारी दिए । यस्तै सरकारले चालु आर्थिक वर्षको बजेटको लक्ष्य पुन: संशोधन, खर्च र राजस्वको अनुमान घटाएको छ । यसैगरी अर्थमन्त्री महतले बजेट सुधारका लागि इमानदार प्रयास गरेको दाबी पनि गरे ।
उनले ९ महिनाभित्र ठेक्का सम्झौता नभए सहमति स्वतः रद्द हुने जनाएका छन् । संसद्मा बजेट प्रस्तुत गर्दै उनले निजी क्षेत्रको मनोबल बढाउन सरकार गम्भीर रहने पनि जानकारी दिए । उनका अनुसार व्यवसायको लागत घटाइनेछ ।
यस्तै अर्थमन्त्री महतले आर्थिक सुधारका लागि निजी क्षेत्रको प्रवर्द्धन गरिने जानकारी दिए ।
थप...
अर्थतन्त्रको ओरालो सूचक : खर्चभन्दा आम्दानी कम, न राजस्व उठ्यो, न वैदेशिक सहायता
सबै प्रकारका प्रोत्साहन भत्ता खारेज गरिने
पुराना तथा प्रयोगविहीन सरकारी गाडी ६ महिना भित्र लिलाम गरिने
‘१ अर्ब विनियोजन भएका कार्यक्रमको अनुगमन समिति बनाइनेछ’
आर्थिक रूपान्तरणका लागि डिजिटल अर्थतन्त्रलाई प्रवर्द्धन गरिने
वैदेशिक सहायता उत्पादनशील क्षेत्रमा लगाइनेछ : अर्थमन्त्री महत
बजेट कार्यान्वयन कार्ययोजना असार मसान्तभित्रै
स्रोत-साधन छर्ने प्रवृत्तिमा रोक लगाइनेछ : अर्थमन्त्री
अर्थमन्त्रीको दाबी- बजेटले लगानीमैत्री वातावरण निर्माण गर्छ
अर्थमन्त्रीले भने- वैदेशिक सहायता अपेक्षाभन्दा कम, आयोजना कार्यान्वयन कमजोर हुँदा सहायता आएन
राजस्व संकलन ११ खर्ब ७९ अर्ब मात्रै हुने अनुमान
