काठमाडौं । नेपाली कांग्रेसका महामन्त्री गगन थापाले कान्तिपुर मिडिया ग्रुपका अध्यक्ष कैलाश सिरोहिया बदनियतपूर्ण ढङ्गले प्रतिशोध पूरा गर्न पक्राउ गरिएको बताउनुभएको छ । महामन्त्री थापाले आज सामाजिक सञ्जालमा एक पोस्ट लेख्दै यस्तो बताउनुभएको हो ।
‘प्रस्ट छु, कानुनभन्दा माथि कोही छैन र हुँदैन,' उहाँले लेख्नुभएको छ, 'गल्ती गरेको छ भने जुनसुकै तहको जो सुकै होस्, जतिसुकै शक्तिशाली होस् सजायको भागिदार हुनुपर्छ । म यसमा पनि प्रस्ट छु, आज कान्तिपुर मिडिया ग्रुपका अध्यक्ष कैलाश सिरोहियालाई कानुनविपरीतको काम गरेको भनेर पक्राउ गरेको भनिए पनि यो बदनियतपूर्ण ढङ्गले प्रतिशोध पूरा गर्न गरिएको बहाना मात्र हो ।’
उहाँले अध्यक्ष सिरोहियाको पक्राउ आफूमाथि प्रश्न गर्नेहरूलाई रोक्न र आफ्नो अपराध ढाकछोप गर्न गरेको दुस्प्रयास भएको बताउनुभएको छ । ‘मुख्य कुरा, यो राज्य सत्ताको पहुँचको दुरुपयोग गर्दै आफूमाथि प्रश्न गर्नेहरूलाई रोक्न, विषयान्तर गर्न र आफ्नो अपराध ढाकछोप गर्न गरेको दुस्प्रयास हो,’ महामन्त्री थापाले लेख्नुभएको छ ।
यो पनि...
गृहमन्त्रीसँग २ वटा पासपोर्ट छ, तत्काल पक्राउ गरियोस् : अध्यक्ष सिरोहिया
कान्तिपुर मिडिया ग्रुपका अध्यक्ष कैलाश सिरोहिया गिरफ्तार
‘समाचार प्रकाशन गरेकै आधारमा मिडिया सञ्चालकलाई गिरफ्तार गर्नु दाहाल सरकारको मूर्खता हो’
कान्तिपुरका अध्यक्ष कैलाश सिरोहियाको गिरफ्तारीपछि कसले के भने ?
कान्तिपुरका अध्यक्ष कैलाश सिरोहियाको गिरफ्तारीविरुद्ध पत्रकार महासंघको ऐक्यबद्धता
