काठमाडौं । सौर्य एयरलाइन्सको जहाज दुर्घटनामा मृत्यु भएका १७ जनाको शव आफन्तले बुझेका छन् । विदेशी अरिफ रेडाको बाहेक सबै शव आफन्तले बुझेको त्रिवि शिक्षण अस्पतालले जनाएको छ ।
अस्पतालका अनुसार हिजो (शुक्रबार) ६ वटा शव आफन्तले बुझेकामा आज बाँकी ११ शव बुझेका हुन् । त्रिवि शिक्षण अस्पतालले सबैको पोस्टमार्टम बिहीबारै सकेको थियो । परिवारले दिएको विवरणकै आधारमा सबै शव पहिचान भएको अस्पतालले जनाएको छ ।
यता सौर्य एयरलाइन्सले पीडित परिवारलाई कम्पनीको तर्फबाट सहयोग हुने प्रतिबद्धता जनाएको छ । कम्पनीले पीडित परिवारजनलाई कम्पनीका तर्फबाट हुनसक्ने सम्मको सहयोग, साथ र सद्भाव रहने आश्वासन दिएपछि हिजोदेखि परिवारले शव बुझ्न थालेका हुन् ।
गत बुधबार मर्मतका लागि पोखरा उडेको विमान त्रिभुवन विमानस्थल परिसरमै दुर्घटनामा परेको थियो । पाइलटबाहेक विमानमा रहेका सबै १८ जनाको मृत्यु भएको थियो । पाइलट मनीषरत्न शाक्यको काठमाडौं मेडिकल कलेज शिक्षण अस्पताल सिनामंगलमा उपचार भइरहेको छ । उहाँको स्वास्थ्यमा उल्लेख सुधार भइरहेको अस्पतालले जनाएको छ ।
यो पनि...
त्रिभुवन विमानस्थल : चारैतिर धरापै-धराप, हवाई सुरक्षामा जोखिम
अन्तर्राष्ट्रिय विमानस्थलमा छैन चुस्त उद्धार संयन्त्र
सुरक्षा निकायहरुले देखेका के-के हुन् राष्ट्रिय सुरक्षाका जोखिम ?
त्रिभुवन विमानस्थलप्रति राज्यले देखाएको ‘बेवास्ताको चरम रुप’
सौर्य एयरको विमानमा १७ जनालाई विनारेकर्ड चढाइयो, सुरक्षा प्रणाली उल्लंघन
सौर्य एयरको विमान दुर्घटनामा प्राधिकरणको गम्भीर गल्ती
सांसदहरुको सुझाव- हवाई क्षेत्र सुरक्षाका लागि तत्काल गम्भीर कदम चालौं
