सल्यान । सल्यानमा चट्याङ लागेर ४ जना घाइते भएका छन् । शनिबार बेलुकी ६ बजेतिर परेको चट्याङले सल्यानको त्रिवेणी गाउँपालिका-३ कटमेरामा छुट्टाछुट्टै घरका चार जना घाइते भएका हुन् ।
जिल्ला प्रहरी कार्यालय सल्यानका सूचना अधिकारी प्रहरी निरीक्षक रेसमबहादुर खत्रीका अनुसार स्थानीय गीता बुढामगरको घरमा चटयाङ पर्दा उनकी ६ वर्षीया छोरी मसिना बुढा, १२ वर्षीय छोरा जगत बुढा, सासु ४२ वर्षीया बिष्णु बुढा र अर्को घरका ३५ वर्षीय दलबहादुर बुढा घाइते भएका हुन् ।
गम्भीर घाइतेमध्ये बर्ष ६ की लोसिना बुढा र बर्ष १२ का जगत बुढाको प्रादेशिक अस्पताल तुलसीपुरमा उपचार भैरहेको र अन्य दुई जना स्थानीय मेडिकलमा उपचारपछि घर फर्किएका जिल्ला प्रहरी कार्यालय सल्यानका सूचना अधिकारी खत्रीले जानकारी दिनुभयो । चटयाङले गीता बुढाको घरको मिटरबक्समा क्षती पुर्याएको उहाँको भनाइ छ ।