जाजरकोट । जाजरकोटमा गए राति पहिरोमा पुरिएर श्रीमान्-श्रीमती बेपत्ता भएका छन् भने एक बालिका गम्भीर घाइते भएकी छन् ।
बारेकोट गाउँपालिका वडा नम्बर-६ धुमा गाउँमा आइतबार बिहान २ बजे गएको पहिरोले घर पुरिँदा दुई जना पुरिएर बेपत्ता भएको जनाइएको छ ।
बारेकोट-६ पल्लो धुमा गाँउमा विहान २ बजे घर पुरिँदा मानबहादुर चलाउने र वडा नम्बर-६ की महिला वडा सदस्यसमेत रहेकी श्रीमती मायादेवी चलाउन बेपत्ता भएको प्रहरीले जनाएको छ ।
चलाउनेकी छोरीको भने गम्भीर घाइते अवस्थामा उद्धार गरिएको छ । घटनास्थलतर्फ प्रहरी टोली जाँदै गरे पनिसञ्चार सम्पर्क हुन नसक्दा थप विवरण प्राप्त गर्न सकिएको छैन् ।