काठमाडौं । युएस ओपन अन्तर्गत पुरुष डबल्सको उपाधि म्याक्स पर्सेल र जोर्डन थम्पसनको अष्ट्रेलियन जोडीले जितेको छ ।
जर्मन जोडी केभिन क्राविट्ज र टिम पुएट्जलाई सोझो सोटमा पराजित गर्दै पर्सेल र थम्पसनको जोडी च्याम्पियन बनेको हो ।
अष्ट्रेलियन जोडीले जर्मन जोडीलाई ६-४, ७-६ ले पराजित गरेको हो । जुलाईमा विम्बल्डन डबल्स फाइनलमा तीन पटक म्याच प्वाइन्ट कन्भर्ट गर्न नसक्दा उपविजेतामा चित्त बुझाएको सातौं वरीयता प्राप्त अष्ट्रेलियन जोडीले यसपटक भने कुनै गल्ती गरेन ।
पर्सेल र थम्पसन, सन् १९९६ मा टोड वुडब्रिज र मार्क वुडफोर्डपछि युएस ओपन पुरुष डबल्स उपाधि जित्ने पहिलो अष्ट्रेलियाली टोली समेत बनेको छ ।
