काठमाडौं । युएफा नेसन्स लिगको ग्रुप-टु अन्तर्गत समूह एफमा इंग्ल्यान्ड विजयी भएको छ ।
गए राति डब्ललिनमा भएको खेलमा इंग्ल्यान्डले आयरल्यान्डलाई २-० गोल अन्तरले हराएको हो । युरो कप २०२४ को समाप्तीपछि प्रशिक्षक गेराथ साउथगेट जिम्मेवारीबाट पछि हटेपछि इंग्ल्यान्ड पहिलो पटक मैदानमा उत्रिएको हो ।
निमित्त प्रशिक्षक ली कार्ल्सलीको प्रशिक्षणमा रहेको इंग्ल्यान्डलाई जित दिलाउन डेक्लेन राइस र ज्याक ग्रेलिसले पहिलो हाफमै एक-एक गोल गरे । यस जित पछि इंग्ल्यान्ड समूहको दोस्रो स्थानमा उक्लिएको छ । गएरातिनै सम्पन्न खेलमा फिनल्यान्डलाई ३-० ले पराजित गरेको ग्रीस शीर्ष स्थानमा छ ।
गए रातीनै सम्पन्न अन्य खेलमा जर्मनीले हंगेरीलाई ५-० र नेदरल्यान्ड्सले बोस्निया एन्ड हर्जगोभिनालाई ५-२ ले हरायो । यस्तै अल्बानियाले युक्रेनलाई २-१ ले पराजित गर्यो ।
