प्रहरी प्रवक्ता भीम ढकाललाई प्रश्न- सिरहामा मदिरा तस्करीबारे प्रहरीको अनुसन्धान कहाँ पुग्यो ?

सिरहामा रहेको मदिरा उत्पादक कम्पनी शारदा डिस्टिलरीले राजस्व छली गरेको विषयमा अनुसन्धान भइरहेको छ । फरार रहेका शारदा डिस्टलरीका सञ्चालक प्रमोद गोयन्का पनि पक्राउ परिसकेका छन् ।

बिहीबार पक्राउ परेका उनलाई इलाका प्रहरी कार्यालय लहानको हिरासतमा राखिएको छ । कान्तिपुर टेलिभिजनले शारदा डिस्टिलरीले गर्दै आएको राजस्व छली र तस्करीको विषय खुलासा गरेपछि पक्राउ पर्ने डरले प्रमोद र उनका छोरा नवीन भारत गएका थिए ।

त्यहीँबाट राजस्वका कर्मचारीको सम्पर्कमा आएर प्रक्रियागत ढंगले उन्मुक्ति दिलाउने आश्वासन पाएपछि मात्रै गोयन्का नेपाल आएको बताइएको छ । उद्योगका प्रबन्धक लोकबहादुर बस्नेत र माडरस्थित आशिष जनरल स्टोरका मालिक ललनकुमार यादव चैत ८ गते पक्राउ परेकोमा यादव शुक्रबार रिहा भएका छन् ।

यसै विषयमा प्रहरीले कसरी अनुसन्धान अघि बढाइरहेको छ ? भनेर कान्तिपुर टेलिभिजनले नेपाल प्रहरीका केन्द्रीय प्रवक्ता भीमप्रसाद ढकालसँग कुराकानी गरेको छ ।

विस्तृत भिडियोमा :