मम्मी ! म आज पनि
उस्तै किताब पढ्छु,
जस्तो तपाईंले सिकाउनुभयो ।
मेरो अनुहार, हाँसो देखेर
सबै भन्छन्– ठ्याक्कै मम्मी जस्तै ।
मेरो सबै पाइला
तपाईंकै एक हेराइ हो,
म कसरी ?
अरूको धेरै र तपाईंको
थोरै बने ?..
मम्मी ! किताब पढ्ने निहुँ
तपाईंको एक हेराइ हुँ ।
मलाई राम्रै याद छ,
भाइलाई बुबु चुसाउँदै
मलाई किताब पढ् भन्नुभाकोे
केही खाने इच्छा हुँदा
थोर–धेर खोजी ल्याएको
मम्मीको पूजा कोठामा
जति ढल्थ्यो मंगलबार,
उति बल्थ्यो दियो’
म कसरी ?
किताबको नजिक
तपाईंबाट टाढा भइदिए
मम्मी ! म अनन्तः
तपाईंनजिक आउनै सकिनँ
किताब एउटा निहुँ भयो
मम्मी ! म भाग्यमानी बन्न
किताब पल्टाइरहन्छु
लाग्छ मंगलबार नआओस्
मम्मी ! तपाईंलाई सम्झिनु मात्रको विकल्प छैन ।
मम्मी ! यो संसारबाट बिदा हुनुभो ।
यी सामग्रीहरू पनि पढ्नुहोस् !
