काठमाडौं । नेपाली राष्ट्रिय क्रिकेट टिमका प्रशिक्षक मोन्टी देशाईले ५० ओभरमा ३११ रनको लक्ष्य सम्हालिएर खेलेको अवस्थामा पछ्याउन कठिन नहुने भन्दै खेलाडीमा आत्मविश्वास रहेको धारणा राखेका छन् । लिग टूको अन्तिम खेलमा यूएईविरुद्ध डीएल पद्धतिमा ९ रनको जित निकालेपछिको पत्रकार सम्मेलनमा उनले यही लक्ष्यका साथ खेल्दा आजको खेलमा जित निकाल्न सफल भएको उनको प्रतिक्रिया थियो ।
खेल अवधिमा विपक्षी टोली केही रणनीति अपनाए पनि अनुशासित ब्याटिङ गर्दा नतिजा पोल्टामा परेको देशाईको भनाइ छ । नेपालले प्राप्त गरेको सफलतापछि भावुकसमेत देखिएका देशाईले समर्थकलाई धन्यवाद दिए । उनले सो क्रममा अहिले भएको टोलीमा धेरै खेलाडीमा अद्भूत क्षमता भएको र भविष्यमा उनीहरुले नेपाली क्रिकेटका लागि राम्रो गर्नसक्ने भन्दै विश्वस्त देखिए ।
लिग टूको अन्तिम खेलमा नेपालले भ्रमणकारी यूएईलाई डक वर्थ लेबिस (डीएल) पद्धतिका आधारमा ९ रनले पराजित गर्दै नेपालले सीधैं विश्वकप छनोटमा स्थानमा बनाउन सफल भयो ।
नेपालले यूएईलाई हराएपछि शीर्ष तीन अटाउँदै विश्वकप छनोट खेल्न योग्य भएको हो । विश्वकप छनोट आगामी जुन र जुलाईमा जिम्बाबेमा हुनेछ । जिम्बाबेमा हुने छनोट खेलमा नेपालले अब टेस्ट मान्यता राष्ट्रसहित अन्य देशसँग छनोट खेल खेल्नेछ ।
छनोटमा कुल १० टोली हुनेछन् । विश्वकप छनोटमा सुपर लिग टूका पुछारका पाँच टोली, लिग टूका शीर्ष तीन टोली नेपाल, ओमान र स्कटल्यान्ड र प्लेअफ क्वालिफायरमा शीर्ष दुई टोली गरी कुल १० टोली हुनेछन् ।
थप...
आरिफ र गुल्सनको ब्याटिङको सहयोगमा नेपालले सुखद् नतिजा निकाल्यो : कप्तान पौडेल
ग्लोबल छनोटसम्म नेपालको यात्रा : ५ प्रशिक्षक र ४ कप्तान परिवर्तन, ‘क्लिन स्विप’सँगै ऐतिहासिक सफलता
विश्व क्रिकेट लिग टुमा नेपाली क्रिकेट टोलीको कमब्याक (भिडियो रिपोर्ट)
नेपाललाई ऐतिहासिक सफलता : यूएईलाई ९ रनले पराजित गरेसँगै विश्वकप छनोटमा स्थान सुरक्षित
नेपालको ऐतिहासिक जितमा यस्तो देखियो कीर्तिपुर क्रिकेट मैदान (फोटो फिचर)
