काठमाडौं । प्रधानमन्त्री पुष्पकमल दाहालले सानो आकारको नयाँ मन्त्रीमण्डल आजै घोषणा गर्ने तयारी गरेका छन् ।
नेकपा एमाले र राष्ट्रिय स्वतन्त्र पार्टीसहितको गठबन्धन बनाउने प्रधानमन्त्रीको तयारी छ । प्रधानमन्त्रीले आजै सबैमन्त्रीहरुलाई हटाउने र सानो आकारको नयाँ मन्त्रिपरिषद पुनर्गठन गर्ने तयारी पनि गरेको बालुवाटार स्रोतले जनाएको हो । नयाँ मन्त्रिमण्डल बनाएर आजै मन्त्रीहरूको शपथ ग्रहणसमेत गर्ने तयारी रहेको एमाले उपाध्यक्ष सुरेन्द्र पाण्डेले बताएका छन् ।
आज बसेको माओवादी केन्द्रको पदाधिकारी बैठकले एमालेसहितको चारदलीय नयाँ गठबन्धन बनाएर जाने निर्णय गरेको छ । आजै सानो आकारको मन्त्रीपरिषद् गठन गर्ने र कांग्रेससहितको गठबन्धन दलको मन्त्रीपरिषद् विघटन गर्ने निर्णय गरेको छ ।
नयाँ गठबन्धन घोषणाबारे प्रधानमन्त्री दाहाल र एमाले अध्यक्ष ओलीबीच छलफल हुँदै छ । यस्तै नेपाली कांग्रेसको पदाधिकारी बैठक पनि यतिबेला पार्टी सभापति शेरबहादुर देउवाको निवासमा बसिरहेको छ । गठबन्धन भत्किने अवस्थामा पुगेपछि सभापति देउवाले पार्टी पदाधिकारीहरुको आकस्मिक बैठक बोलाएका हुन् ।
यसअघि आज देउवाले कांग्रेसबाट मन्त्री बनेकाहरुलाई बोलाएरसमेत छलफल गरेका थिए । नयाँ सत्ता गठबन्धन र मन्त्रिपरिषद् बारे हेर्नुहोस् लाइभ :-
सम्बन्धित समाचार...
कांग्रेस पदाधिकारी बैठक देउवा निवास बुढानीलकण्ठमा
आजै नयाँ सत्तागठबन्धन घोषणा गर्ने प्रधानमन्त्री पुष्पकमल दाहालको तयारी
प्रधानमन्त्रीले चाहनुभयो भने हामी नयाँ ढंगबाट अघि बढ्न तयार छौँ : प्रदीप ज्ञवाली
