काठमाडौं । राष्ट्रपति रामचन्द्र पौडेलले शुक्रबार अपराह्न ४ बजे संसद्को संयुक्त बैठकमा सरकारको नीति तथा कार्यक्रम प्रस्तुत गर्ने कार्यक्रम थियो । भर्खरै बिरामी भएका कारण तोकिएको समयमा भन्दा केही ढिलो राष्ट्रपतिले सरकारको नीति तथा कार्यक्रम वाचन सुरु गरे ।
संसदको माइक राम्रोसँग नमिलाइएका कारण राष्ट्रपतिले बोलेको प्रष्ट बुझिएन । अंगरक्षक सैनिकले माइक मिलाइदिने प्रयास गरे । तैपनि नीति कार्यक्रमको प्रसारण प्रष्ट सुनिएन ।
फोक्सोमा समस्या देखिएपछि दिल्लीमा लामो समय उपचार गरेर फर्केका राष्ट्रपति पौडेलले मस्किलले नीति कार्यक्रम वाचनलाई निरन्तरता दिए । बीच बीचमा खोकीले सताइरह्यो । यहीबीचमा साँझ ५ बजेर १८ मिनेट जाँदा राष्ट्रपति पौडेलले एकैछिन रोकिएर भने, ‘तातो चाहियो, पानी चिसो भयो ।’
त्यसो त राष्ट्रपति विरामी भएका कारण सरकारको नीति तथा कार्यक्रम वाचन गर्न नसक्ने खबर यसअघि मिडियामा आएको थियो । राष्ट्रपतिको साटो प्रधानमन्त्रीले नै नीति कार्यक्रम वाचन गर्ने चर्चा चल्न थालेपछि संसदमा यसबारे आवाजसमेत उठ्यो । राष्ट्रपतिले नसकेको अवस्थामा उपराष्ट्रपतिलाई वाचनको जिम्मेवारी दिनुपर्ने कानूनविदहरुले सुझाव दिए ।
यसैबीच तीन दिनअघि राष्ट्रपतिले नै नीति तथा कार्यक्रम वाचन गर्ने पत्र संसदमा दर्ता भयो । र, सोही पत्र अनुसार राष्ट्रपति आज संसदमा उपस्थित भएका हुन् ।
आज राष्ट्रपति संसदमा आउँदा शारीरिक रुपमा निकै कमजोर र विरामी जस्तै देखिएका थिए । उनलाई सहयोगीहरुले समाएर कुर्सीसम्म पुर्याएका थिए ।
सम्बन्धित समाचार...
संसद भवनमा यसरी पुगे राष्ट्रपति पौडेल (भिडियो)
रेडियो नेपाल र नेपाल टेलिभिजन गाभिने
सहर र राजमार्ग वरपर एक हजार सार्वजनिक शौचालय बनाइने
सामूहिक तथा करार खेतीलाई प्रोत्साहन गरिने
अब सरकारी कार्यालयमा विद्युतीय सवारी
