काठमाडौं । आर्थिक वर्ष २०८०/८१ को नीति तथा कार्यक्रम प्रस्तुत गर्न राष्ट्रपति रामचन्द्र पौडेल बानेश्वरस्थिति संघीय सांसद भवनमा पुगेको छन् । उनी भीभीआईपीलाई दिइने साधारण सुरक्षामा शीतलनिवासबाट निस्किएका हुन् ।
सडक अवरुद्ध नगरी राष्ट्रपति पौडेल संसद् भवन पुगेका छन् । संसद् भवन परिसरमा पुगेपछि भने राष्ट्रपति पौडेलको अघि नेपाली सेनाले कारकेडको व्यवस्था गरेको थियो ।
राष्ट्रिपति पौडेललाई संसद् भवनमा सभामुख, राष्ट्रियसभाका अध्यक्ष, उपसभामुख र कानुन, न्याय तथा संसदीय मामिलामन्त्रीले स्वागत गरे । त्यस्तै नेपाली सेनाको एक टुकडीले सलामी अर्पण गरेको थियो ।
विगतमा राष्ट्रपतिको सवारी हुँदा प्रहरीले सडक ठप्प पार्ने गरेको थियो ।
सम्बन्धित समाचार...
राष्ट्रपतिले गरे संसद्मा सरकारको नीति तथा कार्यक्रम प्रस्तुत
