काठमाडौं । सरकारले गिटी, वालुवा ढुंगाको उत्पादन निर्यातको सम्भावना खोज्ने नीति तथा कार्यक्रम ल्याएको छ । यसअघि सरकारले बजेटमा यही नीति राखेकोमा चौतर्फी विरोध भएपछि सरकार पछि हटेको थियो ।
शुक्रबार संसदमा राष्ट्रपति रामचन्द्र पौडेलले प्रस्तुत गरेको सरकारको नीति तथा कार्यक्रममा गिटी बालुवा, ढुंगाको व्यवसायिक उत्पादनका लागि कानून निर्माण गरिने बताइएको छ । साथै यसको निर्यातको सम्भावना खोजी गर्ने पनि नीति तथा कार्यक्रममा भनिएको छ ।
त्यसैगरी सरकारले कषि प्रयोगशालाको स्तरोन्नति गर्ने । खाद्य भण्डारगृहको क्षमता अभिवृद्धि गर्ने । हिमाली क्षेत्रमा आयोडिन युक्त नुन ढुवानी सहज बनाउने र प्रत्येक पालिकाका एक–एकवटा शीत भण्डार स्थापना गर्ने बताएको छ ।
एक वडा, एक सामुहिक खेतीको नारा अघि सार्दै सरकारले युवा लक्षित सहकारीलाई बढावा दिने र जग्गाको चक्लाबन्दीलाई प्रोत्साहित गर्ने नीति अघि सारेको छ । । नदी उकास जग्गामा भूमिहीन लाई लक्षक्षित गरी फलफूल उत्पादन विद्धि गर्ने नीति कार्यक्रममा बताइएको छ ।
सरकारले रासायनिक मल कारखानाका लागि बहुवर्षीय योजना ल्याइने नीति कार्यक्रममा उल्लेख छ । अर्गानिक कृषिलाई प्रोत्साहन गर्ने र चिया, अलैंची तथा अदुवाको निर्यात प्रवर्धन गर्ने नीति सरकारले अघि सारेको छ ।
सम्बन्धित समाचार...
