काठमाडौं । माध्यमिक शिक्षा परीक्षा (एसईई) भोलिदेखि सुरु हुँदै छ ।
परीक्षा भोलि (बिहीबार) बिहान ८ बजेबाट सुरु हुनेछ । परीक्षा नियन्त्रण कार्यालयका अनुसार पहिलो दिन भोलि अनिवार्य अंग्रेजी विषयको परीक्षा हुनेछ । यस वर्षदेखि नयाँ पाठ्यक्रमअनुसार सञ्चालन हुने एसईईमा देशभरबाट १० हजार आठ सय ६ विद्यालयबाट पाँच लाख चार हजार ४१४ परीक्षार्थी सामेल हुने परीक्षा नियन्त्रक नन्दलाल पौडेलले जानकारी दिए ।
त्यसमध्ये छात्र दुई लाख ५३ हजार ७२७ छन् भने छात्रा दुई लाख ५० हजार ७ सय ७२ र १५ जना अन्य सहभागी हुँदै छ ।
यसपालि जापानको एउटा विद्यालयबाट २३ नेपाली विद्यार्थी पनि सहभागी हुँदै छन् । विद्यार्थीको भविष्यसँग जोडिएको परीक्षालाई स्वच्छ व्यवस्थित र भयरहित वातावरणमा सञ्चालन गर्न र निर्धक्क रुपमा परीक्षा दिन बोर्डले आग्रह गरेको छ ।
देशभरका दुई हजार ६४ परीक्षा केन्द्रमार्फत परीक्षा सञ्चालन हुनेछ । केन्द्राध्यक्ष, निरीक्षक, सुरक्षाकर्मी गरी ७७ हजार जनशक्ति परिचालन गरिँदै छ । २० वटा विषयमा परीक्षा सञ्चालन हुनेछ । यस वर्ष एसईई पास हुन ७५ पूर्णांकको सैद्धान्तिक परीक्षामा हरेकमा ३५ प्रतिशत अर्थात् २७ अंक अनिवार्य ल्याउनुपर्छ ।
यो पनि...
भक्तपुरको आस्था महिला विद्यालयबाट १२ गृहणी एसईईमा सहभागी हुँदै
एसईईको तयारी पूरा, ५ लाख विद्यार्थी सहभागी हुँदै
एसइईमा उत्कृष्ट विद्यार्थीलाई वडाले १ लाख नगद पुरस्कार दिने
यस वर्ष एसईईमा ५ लाख ४ हजार विद्यार्थी सहभागी हुँदै, विद्यार्थीलाई मनोवैज्ञानिक दबाब नदिन सुझाव
