अछाम । अछामको मेल्लेख गाउँपालिका वडा नम्बर ५ ले यस बर्ष एसइईमा उत्कृष्ट अंक ल्याउने विद्यार्थीलाई एक लाख नगद पुरस्कार दिने भएको छ । वडामा बसेको बैठकले विद्यालयमा विद्यार्थीको पहुँच बनाउन र उच्च शिक्षा हासिल गर्न बिद्यालयमा आकर्षित गराउने उद्देश्यले पुरस्कारको घोषणा गरिएको वडाध्यक्ष प्रकाशबहादुर अधिकारीले बताए ।
‘एसइईमा गाउँपालिका प्रथम भएकालाई एक लाख दिने भनेका छौँ,’ उनले भने, ‘वडा प्रथम भएकालाई ५० हजार दिने निर्णय गरेका छौँ ।’
यस्तै कक्षा ८ मा गाउँपालिका प्रथम हुनेलाई २१ हजार, द्वितीय हुनेलाई १५ हजार र तृतीय हुनेलाई १० हजार नगद पुरस्कार दिइनेसमेत वडाध्यक्ष अधिकारीले जानकारी दिए ।
