भक्तपुर । यस वर्षको एसईईमा भक्तपुरका १२ गृहिणी पनि सहभागी हुने भएका छन् ।
आस्था महिला विद्यालयमा अध्ययरत ३० देखि ६० वर्ष उमेर समूहका गृहिणी परीक्षामा सहभागी हुन तयारी पूरा गरेका हुन् । विभिन्न कारणले विद्यालय शिक्षाबाट वञ्चित महिलाले भक्तपुरमा सञ्चालित आस्था महिला विद्यालयमा कक्षा पाँचदेखि औपचारिक शिक्षा लिँदै आएका छन् ।
२०६५ सालमा स्थापना भएको यो विद्यालयबाट २०६९ सालदेखि हालसम्म १५० जनाले एसएलसी र एसईई दिइसकेका छन् । यस वर्ष १२ जना सहभागी हुने विद्यालयले जनाएको छ ।
यस वर्षको एसईईका लागि देशभरबाट पाँच लाख चार हजार ४१४ विद्यार्थीले परीक्षा फाराम भरेका छन् । देशभरका दुई हजार ६४ परीक्षा केन्द्रमा हुने परीक्षाका लागि प्रश्नपत्र र उत्तरपुस्तिका जिल्लाजिल्लामा पठाइसकिएको परीक्षा नियन्त्रक नन्दलाल पौडेलले जानकारी दिए । उनका अनुसार केन्द्राध्यक्ष, निरीक्षक, सुरक्षाकर्मी गरी ७७ हजार जनशक्ति परिचालन गरिँदै छ ।
यो पनि...
एसईईको तयारी पूरा, ५ लाख विद्यार्थी सहभागी हुँदै
एसइईमा उत्कृष्ट विद्यार्थीलाई वडाले १ लाख नगद पुरस्कार दिने
यस वर्ष एसईईमा ५ लाख ४ हजार विद्यार्थी सहभागी हुँदै, विद्यार्थीलाई मनोवैज्ञानिक दबाब नदिन सुझाव
