कैलाली/कञ्चनपुर । केही दिनयताको लगातारको वर्षाले सुदूररपश्चिमका कैलाली कञ्चनपुरमा ठुलै क्षति पुर्यायो । बाढीले प्रभावित भएकाहरु अहिले घरबासविहीन भई सार्वजनिक स्थानमा आश्रय त लिइरेका छन् । तर यी पीडितहरुलाई अब भोकसँगै रोगको संक्रमणले समेत सताएको छ ।
गत शुक्रबारदेखि हिजो साँझसम्म कैलाली कञ्चनपुरमा निरन्तर झरी पर्यो। अहिले बाढीको पानी घटेपछि विस्थापित भएका चार हजारमध्ये धेरै घर फर्किएका छन् । तर केही अझै विद्यालय र सार्वजनिक क्षेत्रमा आश्रय लिइरहेका छन् ।
चौधर नदीको नहर फुटेर गाउँ पस्दा विस्थापित भएका बेलडाँडी गाउँपालिकाको ३, ४ र ५ नम्बर वडाका विस्थापितहरू अझै घर फर्किन सकेका छैनन् ।
त्यसैगरी दोदा नदी गाउँ पसेको कञ्चनपुरको पुनर्बास नगरपालिकाका पीडितहरूको पनि विचल्ली छ । उनीहरू गर्मी, झरीको कहरमा लामखुट्टेको टोकाइ र सर्पले टोक्ने डरका बीच भोकभोकै बस्न बाध्य छन् ।
शौचालयको व्यवस्था छैन भने पानी दूषित भएका कारण पीडितहरूमा पानीजन्य रोगको संक्रमण फैलिनसक्ने त्रास छ ।
यो पनि...
