सिरहा । प्राविधिक शिक्षा तथा व्यावसायिक तालिम परिषद् (सीटीईभीटी) ले सिरहाको मिर्चैयास्थित मिर्चैया हेल्थ नर्सिङ क्याम्पसलाई स्पष्टीकरण सोधेको छ ।
सीटीईभीटीको मधेश प्रदेश कार्यालय, जनकपुरधामले क्याम्पसलाई बिहीबार स्पष्टिकरण सोधेको हो । क्याम्पसले विद्यार्थीसँग अवैध रूपमा शुल्क उठाएको समाचार कान्तिपुर टेलिभिजनले बुधबार प्रसारण गरेपछि सीटीईभीटीले क्याम्पसलाई तीन दिनभित्र स्पष्टीकरण पेस गर्न पत्र काटेको सीटीईभीटीका मधेश प्रदेश प्रमुख नागेन्द्र साहले जानकारी दिनुभयो ।
यस विषयमा बिहीबार संसद्मा पनि प्रश्न उठेको छ । जनमत पार्टीका सांसद अब्दुल खानले सरकारले गर्नुपर्ने काम मिडियाले गरिदिएको भन्दै अब पनि क्याम्पसलाई कारबाही गर्ने कि नगर्ने भनेर सरकारलाई प्रश्न गर्नुभएको हो ।
क्याम्पसले विद्यार्थीसँग तीन वर्षमा तीन किस्तामा चार लाख ७५ हजार शुल्क लिनुपर्नेमा वर्षमै झन्डै ४ लाख रुपैयाँसम्म उठाएको फेला परेको छ ।
यो पनि...
मिर्चैया हेल्थ नर्सिङ क्याम्पसद्वारा विद्यार्थीसँग अवैध रुपमा लाखौं रकम असुली
मिर्चैया नर्सिङ क्याम्पसको अवैध शुल्कबारे सांसद अब्दुल खानले गराउनुभयो सरकारको ध्यानाकर्षण