बर्दिया । सेवा प्रवाह र कार्यसम्पादनका आधारमा बर्दिया अस्पताल लुम्बिनी प्रदेशमा पहिलो बनेको छ । ५० शय्याको बर्दिया अस्पताल जनशक्ति र उपकरण अभावका बीच पनि लुम्बिनी प्रदेशका १४ अस्पताल मध्ये प्रथम भएको हो ।
यो अस्पताल न्यूनतम सेवा मापदण्डअन्तर्गत सुशासन र व्यवस्थापन, क्लिनिक, बहिरंग सेवा, सुत्केरी सेवा आदि सबैमा गरी ७२ दशमलव ४२ प्रतिशत अंक अंकल्याएर उत्कृष्ट भएको हो । यो अस्पताल आर्थिक वर्ष २०७७/०७८ मा प्रथम,आव २०७८/०७९ मा द्वितीय,२०७९/०८० मा प्रथम र २०८०/०८१ मा प्रथम भएको हो ।
स्वास्थ्य सेवा, सरसफाई, व्यवस्थापन, इमरजेन्सी, बहिरंग सेवा, फार्मेसी, प्रयोगशालाको सुधार सँगै बेरुजुसमेत नदेखिएकोले अस्पताल उत्कृष्ट भएको हो ।
पर्याप्त जनशक्ति उपलब्ध भए अझ राम्रो सेवा दिन सकिने बर्दिया अस्पतालनमा कार्यरत चिकित्सक बताउँछन् ।
