जनकपुर । मधेश प्रदेश सभाले राष्ट्रिय प्रजातन्त्र पार्टी-राप्रपाकी प्रदेश सभा सांसद कंचन बिच्छालाई हटाएको छ ।
नेकपा एमालेको सरोजकुमार यादव नेतृत्वको सरकारमा पार्टीको नीति र अनुशासन विपरित वन तथा वातावरण मन्त्री बन्नुभएकी बिच्छालाई राप्रपाको सिफारिसमा प्रदेश सभाले हटाएको हाे । राप्रपाले तत्काल सरकारबाट बाहिरिन निर्देशन दिए पनि अटेर गरेपछि बिच्छाको प्रदेश सभा सदस्यको पद खारेज गर्न प्रदेश सभालाई गएको मंसिर १२ गतेनै पत्राचार गरेको थियो ।
प्रदेश सभा कार्यसञ्चालन नियमावली, २०७५ को नियम १९० अनुसार राजनैतिक दलसम्बन्धी ऐन, २०७३ को दफा ३५ को २ तथा प्रदेश सभा कार्यसञ्चालनसम्बन्धी नियमावली, २०७५ को नियम १९१ बमोजिम बिच्छालाई हटाएको सुचना मधेश प्रदेश सभाले शुक्रबार प्रकाशन गरेको छ ।
मधेश प्रदेश सभामा राप्रपाको एकमात्र महिला समानुपातिक सांसद कंचन बिच्छा रहनु भएकी थिइन ।
याे पनि :
