काठमाडौं । सत्ता गठबन्धन दल राष्ट्रिय स्वतन्त्र पार्टीले नयाँ सरकार गठन प्रक्रिया सुरु भएपछि सरकारबाट बाहिरिने निर्णय गरेको छ । रास्वपा सभापति रवि लामिछानेले भ्रष्टाचारका फाइल खोल्न लाग्दा डराएर भ्रष्टाचारीलाई जोगाउन समीकरण फेरेको आरोप लगाउनुभएको छ ।
सत्ता सहकार्य गर्ने कांग्रेस र एमालेको सहमतिपछि आज बसेको रास्वपा सचिवालय बैठकले नयाँ सरकार बन्ने प्रक्रिया सुरु हुनेबित्तिकै मन्त्रीहरुले राजीनामा दिने निर्णय गरेको हो । बैठकले कांग्रेस-एमाले गठबन्धनको सरकारमा सहभागी नहुने निर्णय पनि गरेको सांसद सन्तोष परियारले जनाउनुभयो ।
रास्वपाले अहिलेको राजनीतिक घटनाक्रमलाई अस्वभाविक भनेको छ ।
