काठमाडौं । नेपाली कांग्रेसको महासमिति बैठक सकेर घर फर्किँदै गर्दा सहभागी सदस्यहरुले आशा र चिन्ता मिश्रित प्रतिक्रिया दिएका छन् । कतिले पार्टी नेतृत्व सुध्रिने अपेक्षा गरेका छन् भने कतिले निराशा पनि उत्ति नै देखाएका छन् ।
निर्वाचनअघि गठबन्धन नगर्ने महासमिति बैठकको निर्णयले कांग्रेसका अधिकांश कार्यकर्ता, शुभेच्छुक र मतदातामा आशा जागेको छ ।
गत वर्ष सम्पन्न प्रतिनिधिसभा र प्रदेश सभा निर्वाचनमा कांग्रेसले प्रत्यक्षतर्फ १६५ निर्वाचन क्षेत्रमध्ये ९१ वटा निर्वाचन क्षेत्रमा मात्रै उम्मेदवारी दिएको थियो । बाँकी ७४ निर्वाचन क्षेत्रमा प्रत्यक्षतर्फ कांग्रेसका मतदाताले मतदान गर्न पाएनन् । त्यस कारण पनि कार्यकर्तामा उत्साह थपिएको हो ।
झन्डै २१ सय महासमिति सदस्यहरुले छलफलपछि निकालेको निष्कर्षअनुसार पार्टी नेतृत्व चल्नेमा भने सदस्यहरु अझै विश्वस्त हुन सकेका छैनन् ।
महासमिति सदस्य उपेन्द्र कार्कीले महासमिति बैठक औपचारिकताका लागि मात्रै बसेको टिप्पणी गरे ।
बैठकपछि जिल्ला फर्किंदा लिएर जाने नयाँ विषय पनि नपाएको कतिपयको भनाइ छ ।
यो पनि...
