धनकुटा । शैक्षिक भ्रमणबाट फर्कंदै गरेको स्कुल बस धनकुटा बजारमा दुर्घटनामा परेको छ ।
दुर्घटनामा परी बसमा सवारमध्ये २१ जना घाइते भएका छन् । सुनसरीको रामधुनी-५ मा सञ्चालित पिंक लोटस इंग्लिस स्कुलका विद्यार्थी बोकेको को १ ख ५३१३ नम्बरको बस धनकुटा बजारको रमाइलो घुम्तीमा दुर्घटनामा परेको हो । बसमा विद्यार्थीसहित ३६ सवार थिए ।
बसमा सवार केही विद्यार्थी घाइते भएको र उनीहरूको उपचारका लागि धनकुटा अस्पताल पठाउँदै गरेको धनकुटाका प्रहरी उपरीक्षक सरत थापा क्षेत्रीले बताउनु भयो । दुर्घटनाको थप विवरण आउन बाँकी छ । बस तीनजुरेबाट सुनसरी फर्कंदै थियो ।
