धनकुटा। धनकुटा छथर जोरपाटी गाउँपालिका-२ का खेमबहादुर दर्लामीको हत्या आशंकामा सोहि ठाउँबाट धनकुटा प्रहरीले अनुसन्धानका लागि ५ जनालाई पक्राउ गरेको छ ।
मृतक खेमबहादुरको शव बिहीबार विहान छथरजोरपाटी-२ स्थित फलैंचामा फेला परेको थियो ।
प्ररम्भीक अनुसन्धामा मृतक खेमबहादुर र उनकी पत्नी ४४ वर्षीय जीतमाया लिम्बुबीच बुधबार घरायासी विषयमा झगडा भएको थियो ।
श्रीमान-श्रीमतिबीचको झगडामा छिमेकी समेत संलग्न भई कुटपिट गर्दा खेमबहादुरको मृत्यू भएको हुनसक्ने प्रहरीको भनाई छ ।
घटनामा संलग्न भएको आशंकामा मृतककि श्रीमती जीतमाया लिम्बु, छिमेकी इन्द्रबहादुर तामागं, चेतुलाल मगर, दाछिरी शेर्पा र एकजना नाबालकलाई पक्राउ गरिएको धनकुटाका प्रहरी नायव उपरिक्षक ओमप्रकाश खनालले बताउनुभयो ।
पक्राउ परेकाहरुको थप अनुसन्धान भइरहेको प्रहरीले जनाएको छ ।
