दैलेख । आज बिहान ९ बजेदेखि कर्णालीमाथिको झुलुङ्गेमा अड्किएका खच्चरको उद्धार सकिएको प्रहरीले जनाएको छ ।
खिड्कीज्युलास्थित दैलेख र अछाम जोड्ने झोलुङ्गे पुलको एकातर्फको फलामे लठ्ठा चुँडिदा १३ वटा खच्चर पुलमै अड्किएका थिए । ती मध्ये ११ वटालाई सकुशल उद्धार गरिएको छ भने दुईवटा खच्चर मरेका छन् ।
पुलमा अड्किएका खच्चरलाई लट्ठा काटी कर्णालीमा खसालेर सकुशल उद्धार गरिएको हो । अछामबाट दैलेखमा दैनिक उपभोग्य सामग्री ढुवानीका लागि ल्याइएका खच्चड कर्णाली नदीमाथिको झोलुङ्गे पुलमै अड्किएका थिए ।
प्रहरीका अनुसार पुलको एकातर्फका दुई वटा लठ्ठा चुँडिएका छन् । खच्चड अछामका जोरे रोकामगर र राजेन्द्र बोहराका भएको जिल्ला प्रहरी कार्यालय दैलेखका प्रमुख डिएसपी सुनील दाहालले जानकारी दिनुभएको छ ।
यो पनि...
झोलुङ्गे पुलको जाली लत्रियो, १३ खच्चड पुलमै अड्किए (तस्बिरहरू)
