काठमाडौं । नेपाल सरकारले इजरायलबाट फर्किन चाहने नेपालीलाई स्वदेश ल्याउने तयारी गरेको छ । परराष्ट्र मन्त्रालयले स्वदेश फर्कन इच्छुक नेपाली नागरिकहरुको विवरण संकलनका लागि अनलाइन रजिस्ट्रेसनको तयारी भइरहेको जनाएको हो ।
मन्त्रालयले एक विज्ञप्ति जारी गर्दै त्यसका लागि मन्त्रालयसँगै तेल अभिभस्थित नेपाली राजदूतावास र इजरायल सरकारको समन्वयमा अनलाइन रजिस्ट्रेसनको तयारी भइरहेको जनाएको छ ।
‘इजरायलबाट स्वदेश फर्कन इच्छुक नेपाली नागरिकहरुको विवरण संकलनका लागि परराष्ट्र मन्त्रालय, तेल अभिभस्थित नेपाली राजदूतावास र इजरायल सरकारको समन्वयमा अनलाइन रजिस्ट्रेसनको तयारी भइरहेको छ ।’ विज्ञप्तिमा भनिएको छ ।
यस्तै इजरायलको गाजापट्टीसँगको सिमानालगयात क्षेत्रमा भएको आक्रमणमा परी १० नेपालीले ज्यान गुमाएको जनाउँदै मन्त्रालयले मृतकहरुको शव पहिचान गर्ने कार्य अन्तिम चरणमा रहेको उल्लेख गरेको छ ।
प्यालेस्टाइनी विद्रोही समूह हमासले गत शनिबारदेखि गरेको आक्रमणमा परी एक नेपाली सम्पर्कविहीन रहेको मन्त्रालयले जनाएको छ । साथै केही घाइते भएका पुष्टि भएको मन्त्रालयले जारी गरेको विज्ञप्तिमा उल्लेख छ ।
‘मृतकहरुको शव पहिचान गरी यथाशक्य छिटो नेपाल ल्याउन एवं घाइतेहरुको उद्धार र उचित उपचारको प्रबन्ध गर्न इजरायल सरकार समक्ष अनुरोध भइसकेको छ।’ मन्त्रालयले भनेको छ ।
यो पनि...
इजरायलमा रहेका नेपालीको सहयोग र सहजीकरण गर्न सम्पर्क व्यक्ति तोकियो
विज्ञहरु भन्छन्- उद्धारमा ध्यान देऊ (भिडियो)
दु:खका साथ भन्नुपर्दा १० नेपाली विद्यार्थी हामीसँग रहनुभएन : राजदूत रिजाल
