यौनिक तथा लैंगिक अल्पसंख्यकको संख्या २९२८, कुल जनसंख्याको ०.०१ प्रतिशत

काठमाडौं । राष्ट्रिय जनगणना २०७८ अनुसार अन्य लिंगी (यौनिक तथा लैंगिक अल्पसंख्यक) को जनसंख्या दुई हजार नौ सय २८ देखिएको छ ।

जुन कुल जनसंख्याको ०.०१ प्रतिशत हुन आउँछ । कुल अन्य लिंगी (यौनिक तथा लैंगिक अल्पसंख्यक) को जनसंख्या सबैभन्दा बढी वाग्मती प्रदेशमा छ । जहाँ ३२.७ प्रतिशत अन्य लिंगी (यौनिक तथा लैंगिक अल्पसंख्यक) को संख्या छ । सबैभन्दा कम कर्णाली प्रदेशमा २.८ प्रतिशत रहेको छ ।

राष्ट्रिय तथ्यांक कार्यालयले शुक्रबार सार्वजनिक गरेको 'राष्ट्रिय जनगणना २०७८-नतिजा’ को अन्तिम नतिजा आएको हो । जसअनुसार नेपालको कुल जनसंख्या २ करोड ९१ लाख ६४ हजार ५७८ पुगेको छ । जसमध्ये पुरुषको संख्या १ करोड ४२ लाख ५३ हजार ५५१ छ भने महिलाको संख्या १ करोड ४९ लाख ११ हजार २७ पुगेको छ ।

कुल जनसंख्यामध्ये पुरुष ४८ दशमलव ९८ प्रतिशत र महिलाको संख्या ५१ दशमलव ०२ प्रतिशत छ । २०६८ सालको जनगणनाअनुसार नेपालको कुल जनसंख्या २ करोड ६४ लाख ९४ हजार ५०४ थियो । यो दश वर्षको अवधिमा २६ लाख ७० हजार ७४ जनसंख्या बढेको छ ।

थप समाचार...