नेपालगन्ज । स्वास्थ्यका लागि हिडाइ यो भनाइलाई मुर्तरुप दिन र अल्छि गरेर घर भित्रै बस्नेहरुलाई सडकमा पैदल हिड्ने तुल्याउन दाङका एक जना चिकित्सकले थालेको अभियानले पश्चिम नेपालको प्रमुख सहर नेपालगन्जमा समेत प्रभाव पारेको छ ।
बरिष्ठ बालरोग बिशेषज्ञ डा. किशोर खत्रीले मनिसहरुलाई हरेक बिहान सडकमा हिडनै पर्ने प्रेरणा जगाउने उदेश्यले बिरामी भएर अस्पताल आउनुको साटो रोग लाग्नै नदिन र निरोगी हुन बिहान बिस्तराबाट सडकमा कुद्नु प्रेरित गर्दै अनुभएको छ ।
जसको प्रभाव नेपालगन्जमा समेत परेको छ । हरेक बिहान दाङका सडकमा मात्र देखिने चिकित्सकहरु आज बिहान नेपालगन्जको रत्नराजमार्गमा दौडिएका थिए ।
दौड प्रति थप जागरण ल्याउन स्वास्थ्य मन्त्री प्रदिप पौडेलसमेत आज सहभागी हुनु भएको छ । साथ-सथै नेपालगन्जका अधिकांश चिकित्सकसँगै स्थानीयहरु विहानी पखको हिडाइमा सहभागी भए ।
बिहानीको हिडाइ कुनै जुलुस जस्तो देखिएको थियो ।
