काठमाडौं । शास्त्रीय गायक गुरुदेव कामतको शनिबार काठमाडौंमा २५औं एकल प्रस्तुति सम्पन्न भएको छ ।
गुरुदेव कामत फाउन्डेसनले सुरम्य सन्ध्या २०७९ आयोजना गरेको हो । गायक कामतले खयाल, ठूमरी र गजल प्रस्तुत गरेका थिए । राग मधुमन्तीबाट सुरु भएको सुरम्य सन्ध्यामा कामतले नेपाली, मैथिली र हिन्दी भाषाका गीत गाए ।
६७ वर्षीय कामतले शास्त्रीयका साथै आफैंले संयोजन गरेका गीतसमेत प्रस्तुत गरेका थिए ।
कामत शास्त्रीय गायक तथा शास्त्रीय संगीतका प्रशिक्षकका रुपमा चर्चित छन् ।