आज ६८औं सहकारी दिवस, धनकुटामा प्रभात फेरि र सभा

चैत्र २०, २०८१ |विनोद घिमिरे
आज ६८औं सहकारी दिवस, धनकुटामा प्रभात फेरि र सभा

धनकुटा । मर्यादित सहकारी समुन्नत समाज भन्ने नाराका साथ आज ६८औं राष्ट्रिय सहकारी दिवस मनाइँदै छ । ६८औं राष्ट्रिय सहकारी दिवस तथा अन्तर्राष्ट्रिय सहकारी वर्ष २०२५ को उपलक्ष्यमा धनकुटामा प्रभात फेरि आयोजना गरिएको छ ।

जिल्ला सहकारी संघ धनकुटाले प्रभात फेरीको आयोजना गरेको हो । प्रभात फेरीका सहभागीले सहकारीमा सुशासन, स्वाधीन अर्थतन्त्रका लागि सहकारी, मर्यादित श्रम र पर्यटनमा सहकारी लेखिएका प्लेकार्ड बोकेका थिए ।

प्रभात फेरि मदन चौकबाट सुरू भएर हुलाकटोल, भीमनारायण चौक हुँदै श्रीपन्चमी पार्कमा पुगेर सभामा परिणत भएको थियो । धनकुटामा बचत तथा ऋण, दुग्ध, पर्यटन, बहुउद्देश्यीय, कृषि, कर्मचारी, शिक्षक र विद्युतलगायत ३ सय २० सहकारी संस्था संचालनमा छन ।


Image

विनोद घिमिरे

घिमिरे कान्तिपुर टेलिभिजनका धनकुटा संवाददाता हुन् ।