काठमाडौं । स्पनेको घरेलु नकआउट फुटबल प्रतियोगिता कोपा डेल रेमा बार्सिलोनाले एट्लेटिको मड्रिडलाई ५-४ ले हराएको छ।
बार्सिलोनाले मड्रिडलाई रियाद एयर मेट्रोपोलिटानोमा हराएको हो। यो जितसँगै बार्सिलोनाले फाइनलमा रियल मडि्रडसँगको भेट पक्का गरेको छ।
दोस्रो लेगमा बार्सिलोनालाई जित दिलाउन फरान टोरेशले २७ औं मिनेटमा गरेको गोल निर्णायक रहृयो। युवा स्टार लमिन यमालले उपलब्ध गराएको बलमा उनले गोल गरेका हुन्। त्यही अग्रता बचाएर बार्सिलोना फाइनल पुगेको हो।
यी दुई टिमबीच यसअघि भएको पहिलो लेगको खेलमा बार्सिलोनाले एट्लेटिको मड्रिडसँग ४-४ को बराबरी खेलेको थियो। त्यसकारण गएराति भएको खेलको विजेता नै फाइनलमा पुग्ने तय थियो।
खेलमा १७ वर्षीय यामालले खेलभरि विपक्षी टोलीसामू खतरा प्रस्तुत गरे र एट्लेटिकोलाई निरन्तर दबाबमा राखे। उनको जोसिलो प्रदर्शनले बार्सिलोनालाई अग्रता दिलायो भने राफिन्हाले दुई पटक अग्रता बढाउने अवसर पनि सिर्जना गरे।
तर उनक सबै प्रयास असफल रहे। खेलमा बार्सिलोनाको प्रदर्शन उच्चस्तरको देखियो, जसले दर्शकलाई रोमाञ्चित बनायो। अब फाइनल खेल अप्रिल २६ मा सेभियाको एट्लेटिको डि ला क्रुजामा आयोजना हुनेछ।
