काठमाडौं । नेपाल सुपर लिगमा आज झापा एफसीले अफ्नो दोस्रो खेलमा काठमाडौं रेजर्सको सामना गर्नेछ। दशरथ रंगशालामा साँझ ६ बजे सुरु हुने खेलमा झापा र काठमाडौं दुवै टोली पहिलो जितको खोजीमा हुनेछन्।
लिगको उद्घाटन खेलमा काठमाडौंले ललितपुर सिटीको समना गरेको थियो। सो खेल २-२ को बराबरीमा समाप्त भएको थियो। त्यो खेलमा काठमाडौंले जस्तोसुकै अवस्थामा पनि कमब्याक गर्न सक्छ भनेर प्रमाणित नै गरेको छ।
त्यसो त युरोपका भिन्सेन्ट कजियलो लगायतका उत्कृष्ट खेलाडी अनुबन्ध गरेको काठमाडौं रेजर्सले आफूलाई उपाधि दावेदार भएको बताउँदै आएको छ। त्यसैले उसलाई आज जितको खाँचो छ।
बेल्जियमका प्रशिक्षक भिक्डर डे वाइल्ड, युरोपेली मुलकै सहायक प्रशिक्षक र नेपालका मेघ राज केसी जस्तो घरेलु खेलाडीबाट राम्रो प्रदर्शन दिलाउन सक्ने टेक्निकल डाइरेक्टर रहेको टिममा खेलाडीसमेत कौशलले भरिएका छन्।
कप्तान कुलदिप कार्की, कमल श्रेष्ठ, रोहन कार्की, दिनेश हेन्जन र जिलेस्पी जङ कार्की जस्ता उत्कृष्ट खेलाडी रहेका छन्। प्रवेश कटुवालको मूख्य प्रशिक्षणमा रहेको टोलीको मार्की खेलाडी लाकेन लिम्बू रहेका छन्।
उसँग दिपेश धिमाल, रोशन पहरी, अभिनास स्याङ्तानलगायत राम्रा खेलाडी छन्। झापाले आफ्नो पहिलो खेलमा बुटबल लुम्बिनी एफसीसँग गोलरहित बराबरी भएको थियो। झापाका खेलाडीबाट अझैसम्म् गोल हुन बाँकी छ।
त्यसैले आज झापा सानदार सुरुआत गर्ने योजनामा छ। काठमाडौं पहिलो सिजनको विजेता हो भने दोस्रो सिजनमा उसले खास प्रदर्शन गर्न सकेन। झापा भने दास्रो सिजन लिग चरणबाट बाहिरिएको थियो।
