कञ्चनपुर । असार २१ देखि २४ गतेसम्म ४ दिनमा कञ्चनपुरमा रेकर्ड ब्रेक वर्षा भयो । यो वर्ष कञ्चनपुरमा भएको वर्षा नेपालमा वर्षामापन सुरु भएको ७८ वर्षयताकै सर्वाधिक रहेको जल तथा मौसम विज्ञान विभागले जनाएको छ ।
भारी वर्षाले कञ्चनपुरको ७० प्रतिशत भूभाग जलमग्न बन्यो । डुबान र बाढीले चार हजारभन्दा बढी नागरिक विस्थापित हुनुपर्यो भने जनधनको ठुलो क्षति भयो ।
सबैभन्दा धेरै वर्षा भएको दोधारा-चाँदनीमा महाकाली र जोगबुडा नदीमा आएको बाढीले अधिकांश बस्ती डुबानमा परे । बाढीले तहसनहस पारेको तीन दिन भइसक्दासमेत सरकारले पीडितलाई राहत दिन सकेको छैन ।
यो पनि...
