बाँके । राप्ती नदीको बाढी पसेर डुबान र कटानको चपेटमा परेको डुडुवा गाउँपालिका १ मा पर्ने कृषि चौफेरी, बोर्डर चौफेरी, रामनगरपाँझा र छिटैपुर्वालाई नेपालगन्जसँग जोडने सबै सडकहरू भत्किएका छन् । निर्माणाधीन कल्भर्डहरु ठाउँ ठाउँमा बगेका छन् । बिजुलीका अधिकांश खम्बाहरू भाँच्चिएका र बगेका छन् । जसले कारण करिब तीन हजार बासिन्दाको दैनिकी निकै कष्टकर बनेको छ । खाद्यान्न र काठ दाउरा ओसारपसार गर्न नपाउँदा कतिपयले खाना पकाउन समेत पाएका छैनन् ।