काठमाडौं । नेपालमा एआई सञ्चालित प्रोसेस व्यवस्थापन प्लेटफर्म सुरु भएको छ ।
विकासशील बजारहरुलाई अत्याधुनिक र स्वचालित प्रविधिबाट अघि बढाउन सहयोग गर्ने उद्देश्यले प्रोमा एआईले नेपालमा एआई सञ्चालित प्रोसेस व्यवस्थापन प्लेटफर्म सुरु गरेको हो ।'ग्रोथ जिल्ला' ले विकास गरेको प्रोमा एआई प्लेटफर्म मंगलबारबाट सुरु गरिएको हो ।
‘ग्रोथ जिल्ला’का सीइओ शिशिर बस्यालले प्रोमा एआई, एआईको युगमा काम गर्ने तरिकाको पुनर्कल्पना भएको बताउनुभयो ।
एआईको शक्ति र सहज डिजाइनको संयोजन गरेर व्यवसाय सञ्चालनमा सुधार गर्न, उत्पादकत्व बढाउन र डिजिटल रुपान्तरण अपनाउन यसले सहयोग गर्ने ग्रोथ जिल्लाले जनाएको छ ।
