ललितपुर । ललितपुरमा तेस्रो संस्करणको सूचना प्रविधि मेला सुरु भएको छ ।
भिरिन्जी कलेजले आयोजना गरेको बीआईसीटी मेलाको ललितपुर महानगरपालिकाका मेयर चिरिबाबु महर्जनले उद्घाटन गरे ।
मानव जीवनमा आइपर्ने समस्या समाधानका लागि बनाइएका प्रविधि र उपकरण मेलामा प्रदर्शनका लागि राखिएको छ । विद्यार्थीले बनाएका उपकरण पनि मेलामा समावेश गरिएको छ ।
स्मार्ट ग्रिनहउस, रोबोट, सोलार-ट्रयाकिङ सिस्टम, ट्राफिक लाइट, ह्युमन फ्लोइङ लगेज, रोबो कार रेस, रोबो सकर टुर्नामेन्टजस्ता नयाँ प्रविधिबारे पनि मेलामा विद्यार्थीले अवलोकनकर्तालाई जानकारी गराएका छन् ।
पुस १४ गतेसम्म चल्ने मेलाको तीन हजारभन्दा बढीले अवलोकन गर्ने अनुमान छ ।