काठमाडौं । विश्व फुटबलका चर्चित सुपरस्टार क्रिस्टियानो रोनाल्डो चाँडै भारत आउने सम्भावना बढेको छ ।
एएफसी च्याम्पियन्स लिग टु २०२५/२६ अन्तर्गत शुक्रबार मलेसियामा सम्पन्न ड्र अनुसार रोनाल्डो सम्मिलित साउदी अरबको क्लब एल नासर र इन्डियन सुपर लिग क्लब एफसी गोवा समूह डीमा परेका हुन् ।
प्रतियोगितामा सहभागी ३२ क्लबलाई ८ समूहमा विभाजन गरिएकको छ । समूह 'डी'मा अल नासर र गोवाका अलवा अल जाव्रा क्लब इराक र इस्तिक्लोल क्लब -ताजिकिस्तान सामेल छन् ।
यसै समूहमा रहेका टोलीहरूले होम एन्ड अवेका आधारमा राउन्ड-रोबिन प्रणालीमा एक-अर्कासँग प्रतिस्पर्धा गर्ने छन् । समूह चरणका खेल सेप्टेम्बरदेखि डिसेम्बर २४ सम्म खेलिने छन् ।