काठमाडौं । भ्यालेन्सिया कोपा डेल रेको अन्तिम १६ मा प्रवेश गरेको छ । गएराति सम्पन्न खेलमा एल्डेन्सलाई २-० ले पराजित गर्दै भ्यालेन्सिया कोपा डेल रेको प्रिक्वाटरफाइनलमा पुग्ने अन्तिम टोली बनेको हो ।
यससँगै प्रतियोगिताको अन्तिम १६ को समीकरण पूरा भएको छ । आज हुने ड्र पछि टोलीहरूले क्वार्टरफाइनल प्रवेशका लागि प्रतिद्वन्द्वी पाउने छन् ।
एल्डेन्स विरुद्ध भ्यालेन्सियाले उसकै मैदानमा सुरूआती अग्रता बनाउन ९ मिनेट लगाएको थियो । भ्यालेन्सियाले हालै टिममा सामेल गरेका उमर सादिकलाई आफ्नो सिनियर टिमबाट डेब्यूको अवसर दिएको थियो । डिएगो लोपेजको पासमा सर्जी कानोसले गोल गरेपछि भ्यालेन्सियाले अग्रता बनाएको हो ।
३९ औं मिनेटमा डिएगो कोलाडोले गोल गरेपछि भ्यालेन्सियाले पहिलो हाफमा २-० को अग्रता बनाएको थियो । दोस्रो हाफमा दुवै टिमले गोल गर्न नसक्दा भ्यालेन्सिया विजयी बन्यो ।
