काठमाडौं । एसीसी अन्डर नाइन्टिन एसिया कपमा आज नेपालले अफगानिस्तानको सामना गर्दै छ । यी दुवै टोलीले समूह चरणको आफ्नो अन्तिम खेल खेल्दै छन् ।
खेलको टस अफगानिस्तानले जितेको छ । अफगानिस्तानले नेपाललाई पहिले ब्याटिङको निम्तो दिएको छ ।
यसअघिका दुवै खेलमा पराजित यी दुवै टिम आज एसिया कपमा सान्त्वना जितको खोजीमा हुनेछन् । सन् २०१७ यता नेपालले अफगानिस्तानको अन्डर नाइन्टिनसँग पाँच पटक प्रतिस्पर्धा गर्दा एक पटक मात्र जित दर्ता गरेको छ । अफगानिस्तानले चार पटक नेपाललाई हराएको छ । जारी एसिया कपमा भने नेपाल र अफगानिस्तान दुवै कमजोर टोली साबित भएका छन् ।
नेपाल र अफगानिस्तान यसअघिका खेलमा बंगलादेश र श्रीलंकासँग पराजित भए । श्रीलंका र बंगलादेश भने सेमिफाइनल पुगिसकेका छन् ।
