काठमाडौं । म्यानचेस्टर सिटीका मुख्य प्रशिक्षक पेप ग्वार्डिओलाले क्लबसँग दुई वर्षको सम्झौता गरेका छन् । उनले बिहीबार क्लबसँगको सम्झौता नवीकरण गरेका हुन् ।
प्रिमियर लिग विजेता क्लब म्यानचेस्टर सिटीले सूचना जारी गरेर मूख्य प्रशिक्षकको सम्झौता नवीकरण भएको जानकारी दिएको हो । स्पेनिस प्रशिक्षक ग्वार्डिओलाले अब सम्झौता नवीकरण गरेसँगै उनी एक दशकभन्दा लामो समय सिटीमा नै बस्ने पक्का भएको छ ।
उनी सन् २०१६ मा सिटीमा अनुबन्ध भएका थिए । बार्यन र बार्सिलोनाका पूर्व मुख्य प्रशिक्षक ग्वार्डिओलाले सिटीको लागि अहिलेसम्म १८ उपाधि जितेका छन् । उनको कालमा सिटीले ६ पटक प्रिमियर लिग जितेको छ भने एक पटक युरोपेली च्याम्पियन बनेको छ ।
५३ वर्षको प्रशिक्षक ग्वार्डिओलाको अहिलेको सम्झौताको समयावधि यो सिजनको समाप्तिसँगै सकिने थियो ।
