काठमाडौं । आर्सनल महिला च्याम्पियन्स लिगको क्वार्टरफाइनलमा पुगेको छ । गएराति भएका खेलमा युभेन्टसलाई हराउँदै आर्सनलले नकआउट चरणमा स्थान पक्का गरेको हो ।
आर्सनलको जितमा लिना अर्टिङले गोल गरिन् । उनले खेलको ८९ औं मिनेटमा गोल गरेर आफ्नो टोलीलाई अन्तिम ८ मा पुर्याएकी हुन् । यता खेल अवधिभर ६ गोलको अवसर पाए पनि युभेन्टस गोलमा चुकेको थियो ।
तर आर्सनलले खेलमा ७८ प्रतिसत समय बलमा नियन्त्रण राखेर पनि एक गोल मात्र गर्न सक्यो । यो जितसँगै आर्सनले समूहको दोस्रो भएर अर्को चरणमा पुगेको हो । समूहमा तीन अंक मात्र भएको युभेन्टस तेस्रो स्थानमा मात्र रहन सफल भयो ।
सोही समूहको अर्को खेलमा भने बायर्न म्युनिखले भेलेरोन्गासँग एक-एक गोलको बराबारी खेलेको छ ।
