काठमाडौं । सहिद स्मारक 'बी' डिभिजन लिग आगामी माघ १३ गतेदेखि हुने भएको छ ।
अखिल नेपाल फुटबल संघ (एन्फा) का पदाधिकारी तथा बी डिभिजन क्लबका पदाधिकारीहरुबीच आज भएको छलफलले बी डिभिजन लिगको मिति तय गरेको हो ।
एन्फाले बी डिभिजनका सम्पूर्ण क्लबलाई आवश्यक तयारी र समन्वयमा सहकार्य गर्न आग्रह गरेको छ । क्लब र खेलाडी दर्ता तथा क्लब लाइसेन्सिङ्ग प्रक्रियामा अगाडि बढ्न समेत एन्फाले अपिल गरेको छ।
अब मंसिर २१ गतेसम्म क्लब दर्ता गर्नुपर्ने छ भने पुस १३ गते खेल तालिका सार्वजनिक गरिने छ ।
