काठमाडौं । साफ महिला च्यापियनसिपमा उपविजेता नेपाली खेलाडीलाई सरकारले जनही ३-३ लाख रुपैयाँ पुरस्कार दिने भएको छ ।
च्यापियनसिपमा उपविजेता नेपाली खेलाडीलाई जनही ३ लाख पुरस्कार प्रदान गरिने राष्ट्रिय खेलकुद परिषद्का सदस्य सचिव टंकलाल घिसिङले जानकारी दिनुभयो ।
यस्तै, मुख्य प्रशिक्षकले २ लाख रुपैयाँ पाउनेछन् भने व्यवस्थापक, सहायक प्रशिक्षक तथा चिकित्सकले १ लाख २० हजार रुपैयाँ पाउने घिसिङले जनाउनु भयो ।
साफ महिला च्याम्पियनसिपको सातौं संकरणको फाइनलमा नेपाल बंगलादेशसँग २-१ ले पराजित हुँदै उपविजेता बनेको हो । साफ महिला च्याम्पियनसिप खेलेको राष्ट्रिय टिमलाई काठमाडौं महानगरपालिकाले समेत २५ लाख रुपैयाँसहित सम्मानित गरिसकेको छ ।
