काठमाडौं । आईसीसी विश्वकप लिग-२ अन्तर्गत क्यानडामा हुने त्रिकोणात्मक एकदिवसीय अन्तर्राष्ट्रिय सिरिजको प्रत्यक्ष प्रसारण कान्तिपुर म्याक्सले गर्ने भएको छ ।
नेपालसहित घरेलु टोली क्यानडा र ओमान सम्मिलित उक्त सिरिज कान्तिपुर म्याक्स, कान्तिपुर टेलिभिजनको मोबाइल एप्लीकेसन र त्यसका डिजिटल प्ल्याटफर्ममार्फत प्रशारण गरिने छ ।
क्रिकेटसहित नेपालले सहभागिता जनाउँदै आएका राष्ट्रिय तथा अन्तर्राष्ट्रिय खेलकुदलाई आमदर्शक माँझ पुर्याउन कान्तिपुरले यसअघि पनि विभिन्न खेलकुदको प्रत्यक्ष प्रसारण गर्दै आएको छ ।
क्यानडा भ्रमणमा क्रममा नेपालले पहिलो खेल भदौ ३१ गते क्यानडासँग र दोस्रो खेल असोज २ गते ओमानसँग खेल्ने छ । तेस्रो खेलमा असोज ६ गते क्यानडाको सामना गर्दा असोज ८ गते ओमानविरुद्ध प्रतिस्पर्धा गर्नेछ ।
ओडिआई सिरिज सकिएको २ दिनपछि तीन वटै टोलीले त्रिकोणात्मक टी-२० आई सिरिज खेल्ने छन् । त्यसपछि नेपाली टोली अमेरिका प्रस्थान गर्नेछ ।
