फाइल तस्बिर
काठमाडौं । नेपाली राष्ट्रिय पुरुष फुटबल टिमका मुख्य प्रशिक्षक भिन्चेन्सो अल्बर्तो एनेसले साफ च्याम्पियनसिपका लागि पहिलो चरणमा ३० खेलाडीलाई बन्द प्रशिक्षणमा बोलाएका छन् ।
सहिद स्मारक ‘ए’ डिभिजन लिग चलिरहेकाले प्रशिक्षक भिन्चेन्सोले साफका लागि अभ्यास गराउन पाएका छैनन् । गोलकिपर विशाल श्रेष्ठ, मिडफिल्डर विक्रम लामा, डिफेन्डर देवेन्द्र तामाङ र सुदीप गुरुङले पुनरागमन गरेका छन् ।
घरेलु मैदानमा भएको थ्रि-नेसन्स कप खेलेका अभिषेक बराल, भरत खवास, आदित्य चौधरी, विकास खवास, कमल थापा, सुमित श्रेष्ठ, पदम भट्टराई भने यो पटक अटाएनन् ।
हाल भिन्चेन्सोले लिगको ब्रेकको दिन रणनीतिक प्रशिक्षण गराउँदै आएका छन् । लिग आगामी जेठ २७ गते सकिनेछ ।
भारतमा हुने साफ असार ६ गतेदेखि सुरु हुनेछ । नेपाल रहेको समूह ‘ए’ मा भारत, कुवेत र पाकिस्तान छन् । समूह ‘बी’ मा बंगलादेश, भुटान, लेबनान र माल्दिभ्स छन् । नेपाल साविक उवविजेता र भारत विजेता हुन् । नेपालले अहिलेसम्म साफ च्याम्पियनसिपको उपाधि जित्न सकेको छैन।
.png&w=400&height=300)
