काठमाडौं । काभा महिला भलिबल च्यालेन्ज कपमा घरेलु टोली नेपालले पहिलो पराजय बेहोरेको छ । नेपालले समूह चरणको अन्तिम खेलमा भारतसँग तीन-एकको सेटमा पराजय बेहोरेको हो ।
राष्ट्रिय खेलकुद परिषद्को कभर्डहलमा भएको खेलको पहिलो सेटमा भारतले सहजै २५-१२ ले जित्यो । दोस्रो सेट निकै रोमाञ्चक बनेको थियो । आधा घण्टाभन्दा बढी समय लागेको दोस्रो सेटमा नेपालले सुरुवाती समयमा अग्रता बनाए पनि त्यसलाई अन्तिमसम्म निरन्तरता दिन सकेन । दोस्रो सेट नेपालले २६-२४ ले गुमायो ।
त्यसपछिको तेस्रो सेटमा नेपाल २५-२१ ले विजयी हुँदै पुनरागमनको संकेत गरेको थियो । चौथो सेटमा पनि नेपालले कडा चुनौती दिएको थियो । एक समय अग्रतासमेत बनाए पनि यो सेट भारतले २५-२१ ले जित्दै नतिजा ३-१ ले आफ्नो बनायो । यो जितपछि भारत समूह एको विजेता बन्दै अन्तिम चारमा प्रवेश गरेको छ ।
अपराजित भारतको ९ अंक छ । यस्तै नेपाल उपविजेताका रुपमा सेमिफाइनलमा प्रवेश गरेको छ । पहिलो पराजय बेहोरेको नेपालको ६ अंक छ ।
यो पनि..
काभा महिला भलिबलमा कीर्गिस्तानको सान्त्वना जित
काभा महिला भलिबल च्यालेन्ज कप : कजाकस्तान बन्यो समूह बीको च्याम्पियन
