बाँके । नरैनापुरमा एक किशोरीमाथि जबरजस्ती करणी गर्ने व्यक्ति पक्राउ परेका छन् ।
हिजो साँझ नरैनापुर-५ स्थित सडकमा एक किशोरी करणीमा परेको जिल्ला प्रहरी कार्यालय बाँकेका प्रहरी निरीक्षक आकाश भुषालले जानकारी दिनुभयो ।
पीडित किशोरीको भेरी अञ्चल अस्पतालमा उपचार भइरहेको छ । बलात्कारका आरोपित ३६ वर्षीय जंगबहादुर तेलीलाई भोजभगवानपुर इलाका प्रहरी कार्यालयले नियन्त्रणमा लिएको प्रहरी निरीक्षक भुषालले जानकारी दिनुभयो ।
यसअघि गत माघ महिनामा पनि नरैनापुरमै एक बालिकामाथि जबरजस्ती करणी भएको थियो ।
